Օփորթյունիթի» մարսագնացը Կարմիր մոլորակի Ինդեյվոր խառնարանի կավե շերտում հայտնաբերել է քաղցրահամ, թթվայնության տեսանկյունից չեզոք ջրի հետք: Նախկինում գիտնականներին հաջողվել էր հաստատել Մարսի վրա միայն թթվայնության գերազանցված մակարդակով ջրի առկայությունը:

Ինչպես հայտնում են գիտնականները, մարսագնացի հայտնաբերած շերտերը ձևավորվել են քաղցրահամ ջրային մակարդակում, pH ցուցիչով:

Առաքելության պատասխանատու, Կորնելի համալսարանի մասնագետ Սթիվ Սքվայերսը հայտնել է. «Այդ ջուրը կարելի է հանգիստ խմել»:

Սպասվում է, որ մարսագնացը կհաղթահարի ևս երկու կիլոմետր, որպեսզի սարքի համար ապահով «ձմեռելու» վայր հասնի:

NASA-ի մասնագետները հայտնել են, որ մյուս մարսագնաց «Քյուրիոսիթին» մոտ ժամանակներս կսկսի ուսումնասիրել Կարմիր մոլորակի լեռները»։