Կենտրոնական ընտրական հանձնաժողովի կայքից տեղեկանում ենք, որ այս հուլիսի 14–ին Շիրակի մարզի Հովիտ գյուղում և Կոտայքի մարզի Պռոշյան գյուղում համայնքի ղեկավարի ընտրություններ են տեղի ունենալու։

Առավել լարված ընտրություններ են սպասվում հենց Պռոշյանում։

Թեկնածուների առաջադրումը դեռ սկսված չէ, բայց ընտրություններին մասնակցելու մտադրություն արդեն իսկ հայտնել է 4 թեկնածու: Նրանց թվում է նաև Պռոշյանի գյուղապետի դաշնակցական տեղակալ Վովա Սահակյանը։ Ըստ ոչ պաշտոնական տեղեկությունների՝ հենց նրան է սատարելու ՀՅԴ–ն:

Գյուղապետի նախկին պաշտոնակատար Արմենուհի Մելիքյանը մդադիր չէ առաջադրվել։

Հիշեցնենք, որ Արմենուհի Մելիքյանին գյուղացիները թույլ չէին տվել մտնել գյուղապետարան, ինչից հետո նա հրաժարական էր ներկայացրել։

Հիշեցնենք նաև, որ ապրիլի 2-ին Պռոշյանի նախկին գյուղապետ, դաշնակցական Հրաչ Մուրադյանը գյուղապետարանի դիմաց հրազենի կրակոցից սպանվել էր:

7or.am