Խմբագրական

Հուլիս 11, 2009 19:31

Ասիմետրիկ դիվանագիտություն

Ասիմետրիկ դիվանագիտություն

ՀՀ իշխանությունների «նախաձեռնողական» արտաքին քաղաքականությունը բավական տարօրինակ դրսևորումներ ունի։ Պարզվում է, որ «նախաձեռնողականությունը»' բոլորին «Այո» ասելու մեջ է. Թուրքիան առաջարկում է ապրիլի 22-ին համատեղ հայտարարել «Ճանապարհային քարտեզի» մասին՝ խնդրեմ, «Մայնդորֆյան»  հռչակագիր  են «դեմ» տալիս՝ խնդրեմ, ստիպում են Վրաստանում ՆԱՏՕ-ի զորավարժություններին չմասնակցել՝ հարց չկա, պաշտոնական Վրաստանը Ջավախքում, փաստացի, հայաթափման քաղաքականություն է վարում և Սաակաշվիլու Հայաստան այցից երկու օր առաջ ՀՀ ԱԺ պատգամավորին թույլ չի տալիս իր սահմանն անցնել՝ էլի հարց չկա ու ձեն-ծպտուն էլ չկա, և դեռ մի բան էլ Վրաստանի նախագահին պետական բարձրագույն մեդալի ենք արժանացնում և այդպես շարունակ։

Այսինքն ստացվում է, որ «նախաձեռնողականությունն»  այն է, երբ դրսում քեզ հետ ինչպես ուզում վարվում են, իսկ դու դրան չես պատասխանում՝ մտածելով, որ կարժանանաս նրանց բարձ գնահատականին ու բոլորը քեզ կասեն՝ «Օ՜, ի՜նչ խաղաղասերն է»։ Իրականում՝ նմանատիպ «խաղաղասիրությունը» կոնֆլիկտի ու թշնամական հարաբերությունների պատճառ կարող է դառնալ։ Եթե Վրաստանի հետ Ջավախքի հարցով բաց խոսակցություն չվարես, ապա այդկերպ ոչ թե Ջավախքում վիճակը կլավանա, այլ՝ ընդհակառակը։ Եթե Թուրքիան, Էրդողանի շուրթերով, ագրեսիվ հայտարարություններ է անում, իսկ դու դրան համարժեք չես պատասխանում, ապա հայ-թուրքական սահմանը հաստատ չի բացվի և հարաբերությունները չեն բարելավվի, այլ՝ ընդհակառակը։ Նախագահն, իմ տպավորությամբ, այլ կերպ է մտածում և դա «գորբաչովյան սինդրոմի» վառ ապացույց է, որի մասին ես արդեն գրել եմ իմ նախորդ հոդվածներից մեկում։ Ինչևէ։

Մենք, փաստորեն, այժմ ունենք դրսին՝ «Այո», իսկ ներսին «Ոչ» ասող իշխանություն։ Ժողովրդի լեզվով ասած. «Դուրսը՝ քահանա, ներսը՝ սատանա»։ Իսկ երբ գործը հասնում է դրսին «Ոչ» ասելուն կամ դիմացինի հնչեցրած կոշտ հայտարարությանը համարժեք պատասխան տալուն՝ «նախաձեռնողականությունը» դառնում է  անատամ և «ջայլամային»։

«Ֆուտբոլային դիվանագիտության» ողջ ընթացքում Թուրքիայի վարչապետը բազմիցս հայտարարում էր, թե մինչև Ղարաբաղից հայկական զորքերը դուրս չբերվեն՝ ոչ մի խոսք չի կարող լինել սահմանները բացելու մասին։ Հայկական կողմի պատասխանը միայն «Մենք պատրաստ ենք հարաբերություններ հաստատել Թուրքիայի հետ՝ առանց նախապայմանների»  ձևակերպումն էր, և վերջ։

Նույնն է վիճակը նաև Ադրբեջանի մասով։ Հուլիսի 17-ին կայանալիք Սարգսյան-Ալիև հանդիպումից առաջ Ալիևը,  հավատարիմ մնալով իր ոճին, ագրեսիվ հատարարություններով է հանդես գալիս։ Մերոնք, երևի, երկար մտածել էին ու որոշել, որ Ալիևի «պորտը» տեղը պետք է դնի ոչ այլ ոք, քան Լեռնային Ղարաբաղի Հանրապետության նախկին նախագահ Արկադի Ղուկասյանը, ով նախագահություն անելուց հետո շտապել էր լքել Ստեփանակերտը և միջին կարգի պաշտոն վարել Երևանում։ Թողնենք այն հարցը,   թե որքանով է ճիշտ, որ ԼՂՀ պաշտոնաթող նախագահը դառնում է  գումարներ բաշխող մի հիմնադրամի երկրորդ էշելոնի պաշտոնյա։ Մեզ այլ հարց է հետաքրքրում։ Ինչու՞ է պաշտոնական Երևանը «կուլ տալիս» Ալիևի ռազմատենչ հայտարարությունը և արձագանքում դրան ասիմետրիկ ձևով։ Հուլիսյան   հանդիպումից առաջ ճիշտ կլիներ, որ անձամբ Սերժ Սարգսյանը հակադարձեր Ի. Ալիևին։ Այլապես ստացվում է, որ արտաքին քաղաքականության համար  պատասխանատու  ՀՀ նախագահը միայն թուրքերի հետ «ֆուտբոլ» խաղալով է զբաղված, իսկ «մանր- մունր» գործերը թողնում է  պաշտոնաթող մարդկանց։

Անշուշտ, Արկադի Ղուկասյանի հայտարարությունն իր  բովանդակությամբ բավականին կոշտ էր, հստակ և համարժեք։ Բայց այստեղ «կալիբրների» խնդիր կա։ Եթե   Սերժ Սարգսյանն ուզում է, այնուամենայնիվ, խաղաղասեր երևալ, ապա կարող է գոնե արտգործնախարարին «բազե» սարքել և կոշտ հայտարարությունները նրա շուրթերով  հայտնել։ Բայց, ինչպես երևում է, Է. Նալբանդյանը բացի «Առանց նախապայմանների» «լեվըլից» այն կողմ  դեռ չի անցել։ Դրա համար էլ Ղուկասյանին «պեղեցին» ու նրա միջոցով փորձեցին «վախեցնել» Ադրբեջանի «կռվարար» նախագահին։ Իսկ դա այնքան էլ ճիշտ մոտեցում չէ։

Նույնիսկ մարզիկները մրցամարտից առաջ միմյանց հասցեին  կոշտ (նաև կոպիտ) արտահայտություններ են անում։ Բանը հասնում է անգամ ձեռնամարտի։ Դա «դուխ»  հավաքելու և դիմացինին «կոտրելու» յուրօրինակ քաղաքականություն է։ Բնականաբար որևէ մեկը չի առաջարկում Սերժ Սարգսյանին, պաշտոնական հանդիպումից առաջ, ձեռնամարտի կամ  առմռեսլինգի բռնվել իր ադրբեջանցի գործընկերոջ հետ։ Դիվանագիտության մեջ այլ կանոններ են գործում։ Հենց այդ կանոնների շրջանակում էլ անհրաժեշտ է  սիմետրիկ դիրք գրավել և  հակակշռել դիմացինի ագրեսիան։ Թե չէ «նախաձեռնողականությունը» դառնում է  տեղի-անտեղի դրսևորվող «Այո-մարդու» վարքաբանություն։  Չմոռանանք, որ  քաղաքականությունը նաև «Ոչ» ասելու արվեստ է։ «Ոչ»-ն այստեղ լայն իմաստով պետք է ընկալել։

Անդրանիկ  Թևանյան

Հ.Գ.։ Հարգելի՛ ընթերցող, «7օր» կայքէջի շրջանակներում ստեղծվել է «Բլոգ»։ Ձեր կարծիքները և  մեկնաբանությունները կարող եք on-line ռեժիմով թողնել սկսած այսօրվանից։ Ակնկալում եմ, որ կլինի բաց բանավեճ՝ հանրային հետաքրքրություն ներկայացնող տարբեր թեմաների շուրջ։ Հուսով եմ, որ  քննարկումները կանցնեն պարկեշտության և փոխադարձ հանդուրժողականության մթնոլորտում։ Միշտ պետք է հիշել, որ անձնական վիրավորանքի միջոցով սեփական ճշմարտացիությունն  ապացուցելը՝ փաստարկների բացակայության նշան է։ Կուզենայի, որ «7օր»-ի բլոգն աչքի ընկներ մասնակիցների ակտիվությամբ և դառնար բազմակարծության հարթակ։

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: