Աշխարհ

03.07.2013 09:17


Իվանիշվիլի. «Ռուսաստանի հետ դիվանագիտական հարաբերությունները մինչև Սոչիի օլիմպիադան չեն վերականգնվի»

Իվանիշվիլի. «Ռուսաստանի հետ դիվանագիտական հարաբերությունները մինչև Սոչիի օլիմպիադան չեն վերականգնվի»

Վրաստանի վարչապետ Բիձինա Իվանիշվիլին հայտարարել է, որ Ռուսաստանի հետ հարաբերությունների կարգավորման գործընթացի առաջին փուլն անցել է բավականին արագ և արդյունավետ։ Սակայն դժվար թե դիվանագիտական հարաբերությունները հնարավոր կլինի վերականգնել մինչև 2014թ. Սոչիի օլիմպիադան։ «Ամենայն հավանականությամբ, մինչև Սոչիի օլիմպիադան մեզ չի հաջողվի Ռուսաստանի հետ վերականգնել դիվանագիտական հարաբերությունները։ Դրա համար ժամանակ և համապատասխան մթնոլորտ է անհրաժեշտ։ Որոշ դրական տեղաշարժեր արձանագրվել են՝ փաստացի վերականգնվել են առևտրային կապերը, վրացական արտադրանքը վերադարձել է ռուսական շուկա։ Մենք ակտիվորեն աշխատում ենք Մոսկվայի և Թբիլիսիի միջև կանոնավոր ավիաչվերթների վերականգնման և, նույնիսկ, վիզային ռեժիմը հանելու ուղղությամբ»,– «Deutsche Welle»-ին տված հարցազրույցում ասել է Իվանիշվիլին։

Այս խորագրի վերջին նյութերը