Քաղաքական

11.07.2013 15:20


«Արտակ Բուդաղյանի հրացանի մեջ փամփուշտ չի եղել». Հայկ Ալումյան

«Արտակ Բուդաղյանի հրացանի մեջ փամփուշտ չի եղել». Հայկ Ալումյան

Մեր ունեցած տեղեկությունների համաձայն, Սյունիքում տեղի ունեցած աղմկոտ միջադեպի մասնակից, գնդապետ Արտակ Բուդաղյանի մոտ գտնված զենքում փամփուշտներ չեն եղել:

ԳԱԼԱ-ն փորձեց նրա փաստաբան Հայկ Ալումյանից ճշտել ինֆորմացիայի իսկությունը, ով հաստատեց տեղեկությունը եւ փոխանցեց, որ Արտակ Բուդաղյանի հրացանը միջադեպի օրը չի եղել տեխնիկապես պատրաստի վիճակում, որով հնարավոր լիներ կրակել: Հայկ Ալումյանը շեշտեց, որ Բուդաղյանի հրացանի մեջ փամփուշտ չի եղել: Փամփուշտ չի հայտնաբերվել նաև Բուդաղյանի մոտ: Փաստաբանը նշեց նաև, որ քրեական գործի նյութերում արդեն առկա են համապատասխան փաստեր` ասվածի վերաբերյալ:

ԳԱԼԱ-ի հարցին, թե ինչպես է վերաբերում փաստաբանը Բուդաղյանին մեղադրանք առաջադրելու հանգամանքին, նշեց, որ ակնհայտ անհիմն է մեղադրանքը: Իսկ հարցին, թե արդյոք զինդատախաղությունից պատասխան տրվել է Բուդաղյանին որպես տուժող ճանաչելու փաստաբանի դիմումին, վերջինս նշեց, որ չի տրվել և չգիտի, թե ինչու, ուստի առաջարկում է այդ հարցն ուղղել զինդատախազությանը:

Սակայն զինդատախազությունում հրաժարվում են պատասխանել որևէ հարցի :

Արաքս Մամուլյան

Աղբյուրը՝ galatv.am

Այս խորագրի վերջին նյութերը