Լրահոս

Հուլիս 24, 2013 09:50

Ուղեվարձի թանկացումն անօրինական է. իրավապաշտպան ՀԿ

Ուղեվարձի թանկացումն անօրինական է. իրավապաշտպան ՀԿ

Երևան քաղաքում ներքաղաքային ուղևորափոխադրումների համար 150 դրամ փոխադրավարձ պահանջելը, որը հիմնավորվում է քաղաքապետի որոշմամբ, չի կարող օրինական համարվել, քանի որ օրենքով սահմանված կարգով այն չի հրապարակվել և ուժի մեջ չի մտել: Հետևաբար քաղաքացիները պարտավոր չեն կատարել նման անօրինական պահանջը:

Այս մասին հայտարարություն է տարածել «Իրավունքների պաշտպանություն առանց սահմանների» հասարակական կազմակերպությունը:

Կազմակերպությունը բերում է իր պնդման իրավական հիմքերը.

1. ՀՀ ավտոմոբիլային տրանսպորտի մասին օրենքի 11-րդ հոդվածի 5-րդ մասի համաձայն՝ երթուղու փոխադրավարձը կարող է վերանայվել երթուղային ցանցը կազմակերպող համապատասխան մարմնի որոշմամբ: Տվյալ պարագայում երթուղային ցանցի կազմակերպող մարմին է համարվում Երևան քաղաքի քաղաքապետը և փոխադրավարձի ավելացման պահանջը կարող էր օրինական համարվել Երևան քաղաքի քաղաքապետի՝ ՀՀ օրենսդրությամբ սահմանված կարգով ընդունված որոշման համապատասխան:

2. Իրավական ակտերի մասին ՀՀ օրենքի 56-րդ հոդվածի 1-ին մասին համաձայն՝ Տեղական ինքնակառավարման մարմինների նորմատիվ իրավական ակտերը ենթակա են պարտադիր պաշտոնական հրապարակման, և դրանք ուժի մեջ մտնում են բացառապես պաշտոնական հրապարակման օրվան հաջորդող 10-րդ օրը, եթե ավելի ուշ ժամկետ սահմանված չէ:

3. Նույն օրենքի 63-րդ հոդվածի 3-րդ մասի համաձայն՝ որոշումները հրապարակվում են «Երևանի իրավական ակտերի տեղեկագրում» դրանք ստանալու օրվան հաջորդող տասը օրվա ընթացքում:

4. «Իրավունքների պաշտպանություն առանց սահմանների» հասարակական կազմակերպությունը 2013թ. հուլիսի 23-ին հեռախոսազանգով դիմել է «Պաշտոնական տեղեկագիր» ՓԲ ընկերությանը, որը պատասխանատու է իրավական բոլոր ակտերի պաշտոնական հրապարակման համար: Տրամադրված տեղեկատվության համաձայն՝ Երևանի իրավական ակտերից վերջինը թվագրվում է 2013թ. հուլիսի 10-ով: Ինչպես վերջին, այնպես էլ դրան նախորդող տեղեկագրերից որևէ մեկում Երևան քաղաքի ներհամայնքային տրանսպորտի փոխադրավարձերի ավելացման վերաբերյալ որոշում հրապարակված չէ:

5. Ավելին, որևէ որոշում չի հրապարակվել նաև քաղաքապետարանի պաշտոնական կայքում, ինչպես նաև Հայաստանի Իրավական Տեղեկատվական Համակարգի www.arlis.am, www.laws.am, www.legislation.am կայքերում:

6. Հետևաբար, 150 դրամ փոխադրավարձ վճարելու մասին պահանջը, որը հիմնավորվում է քաղաքապետի որոշմամբ, չի կարող օրինական համարվել, քանի որ օրենքով սահմանված կարգով այն չի հրապարակվել և ուժի մեջ չի մտել:

7. Իրավական ակտերի մասին ՀՀ օրենքի 68-րդ հոդվածի համաձայն՝ անձը պարտավոր չէ կատարել իրավաբանական ուժ չունեցող, ինչպես նաև սույն օրենքով սահմանված կարգով չհրապարակված կամ ուժի մեջ չմտած իրավական ակտի պահանջները: Ուստի, 150 դրամ փոխադրավարձ վճարելու պահանջը չի կարող համարվել օրինական և քաղաքացիները պարտավոր չեն ենթարկվել նշված անօրինական պահանջին:

«Իրավունքների պաշտպանություն առանց սահմանների» ՀԿ-ն պատրաստակամություն է հայտնում իրավական աջակցություն տրամադրել բոլոր այն անձանց, ում իրավունքները խախտվել են 150 դրամ փոխադրավարձ վճարելու պահանջի և դրա հետևանքով ձեռնարկված այլ միջոցառումների արդյունքում:

Կազմակերպությունը տեղեկացնում է, որ համապատասխան հարցումներ է ուղարկել Երևանի քաղաքապետարան՝ գործընթացի օրինականությունը ստուգելու և անօրինական գործողությունների շարունակությունը կանխելու նպատակով:

Աղբյուրը՝ www.hra.am
Print Friendly and PDF

Այս խորագրի վերջին նյութերը

Առաջիկա 5 օրերը կրկին կանցնեն տաք և արևառատ

Առաջիկա 5 օրերը կրկին կանցնեն տաք և արևառատ

Հոկտեմբեր 20, 2017 12:05 Վայելենք մեր ոսկե աշունը։
Թուրքիայում թմրանյութերի վաճառքի մեջ մեղադրվող ՀՀ քաղաքացի է ձերբակալվել

Թուրքիայում թմրանյութերի վաճառքի մեջ մեղադրվող ՀՀ քաղաքացի է ձերբակալվել

Հոկտեմբեր 20, 2017 11:20 Բերման ենթարվածները Թուրքիայի քաղաքացի Ջեմիլ Շ.-ն և ՀՀ քաղաքացի Ա. Գասպարյանն են:
40-ամյա վարորդը KIA-ով մխրճվել է երկաթե արգելապատնեշի մեջ. կա վիրավոր

40-ամյա վարորդը KIA-ով մխրճվել է երկաթե արգելապատնեշի մեջ. կա վիրավոր

Հոկտեմբեր 20, 2017 10:02 Խոշոր ավտովթար Արարատի մարզում։
Էլեկտրաէներգիայի պլանային անջատումներ

Էլեկտրաէներգիայի պլանային անջատումներ

Հոկտեմբեր 20, 2017 09:06 Հետագայում վթարներից խուսափելու համար կհոսանքազրկվեն։
Ադրբեջանի «Ֆավորիտը». որտե՞ղ են ադրբեջանական Ս-300-ները

Ադրբեջանի «Ֆավորիտը». որտե՞ղ են ադրբեջանական Ս-300-ները

Հոկտեմբեր 20, 2017 07:53 Արբանյակային լուսանկարներում չեն երևում ոչ միայն արձակման կայանները, այլև ռադիոլոկատորներն ու, անգամ, դիզելային գեներատորները։
Մխիթարյանի գործողությունները Բենֆիկայի հետ խաղում

Մխիթարյանի գործողությունները Բենֆիկայի հետ խաղում

Հոկտեմբեր 19, 2017 21:49 Խաղադաշտ էր դուրս եկել մեկնարկային կազմում, փոխարինվել 2-րդ խաղակեսի վերջնամասում:
Կառավարությունը «Նանման» ՍՊԸ-ին մաքսատուրքից ազատելու արտոնություն է տրամադրել

Կառավարությունը «Նանման» ՍՊԸ-ին մաքսատուրքից ազատելու արտոնություն է տրամադրել

Հոկտեմբեր 19, 2017 20:44 Նախատեսվում է ստեղծել 3 նոր աշխատատեղ։
Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների

Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների

Հոկտեմբեր 19, 2017 20:37 Ուղևորափոխադրումները կիրականացվեն թույլտվությունների առկայության դեպքում:
Այսօր հակառակորդի կողմից արձակված կրակոցից ՊԲ զինծառայող է զոհվել

Այսօր հակառակորդի կողմից արձակված կրակոցից ՊԲ զինծառայող է զոհվել

Հոկտեմբեր 19, 2017 18:42 ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում։
11-ամյա աղջիկը մոր և վերջինս մտերիմ տղամարդու կողմից պարբերաբար ծեծի է ենթարկվել

11-ամյա աղջիկը մոր և վերջինս մտերիմ տղամարդու կողմից պարբերաբար ծեծի է ենթարկվել

Հոկտեմբեր 19, 2017 17:35 Դպրոցում քերծվածքներ են հայտնաբերվել:
Իրանցի Սիամաքին բերման են ենթարկել Մաշտոցի պողոտայում գործող սրճարանից

Իրանցի Սիամաքին բերման են ենթարկել Մաշտոցի պողոտայում գործող սրճարանից

Հոկտեմբեր 19, 2017 17:15 Հետախուզվում էր ԻԻՀ իրավապահ մարմինների կողմից։