Ռուս միլիարդատեր Ռոման Աբրամովիչը որոշել է Մանհեթենի ամենաթանկ առանձնատունը ձեռք բերել։ Նա պատրաստ է 75 մլն դոլար վճարել 5–րդ ավենյուի պատմական շենքի մի հատվածի համար։ Ինչպես գրում է «New York Post»–ը, Աբրամովիչը վաղուց էր մտադիր Նյու Յորքում անշարժ գույք գնել. նա իր քաղաքացիական տիկնոջ հետ արդետ տևական ժամանակ է՝ մի շարք թանկարժեք տներ է ուսումնասիրում։ Ի վերջո, որոշել են ձեռք բերել նախորդ դարի 20–ական թվականներին կառուցված պատմական տունը։ Ժամանակի ընթացքում 900 քմ տարածքով 6–հարկանի շենքը բաժանվել է տարբեր հատվածների, որոնք մի քանի մարդկանց են պատկանել։ Այժմ Աբրամովիչը ձեռք է բերում տան զգալի մասը, բայց մտադիր է նաև գնել մյուս հատվածները և դառնալ միակ սեփականատերը։

7or.am