ՀԱԿ խմբակցության ղեկավար Լևոն Զուրաբյանն այսօր ՀՀ վարչապետ Տիգրան Սարգսյանից հետաքրքրվել է, թե օֆշորային սկանդալից մաքրվելու նրա կես տարվա ջանքերն ո՞ւր են հասել։ Տիգրան Սարգսյանը կրկնել է նախկինում տված պատասխանները, որ այդ գործի՝ ամբողջությամբ բացահայտվելու հարցում ամենաշահագրգիռ անձը հենց ինքն է, և որևէ մեկին չի լիազորել իր անունից օֆշորում ձեռնարկություն գրանցել։

–Որևէ մեկին լիազորագիր չեմ տվել. ինքս՝ որպես վարչապետ, այս տարիների ընթացքում երբևիցե Կիպրոսում չեմ եղել և նման ձեռնարկություն Կիպրոսում չէի կարող գրանցել։ Սրանք բոլորն ապացուցվող փաստեր են,–պնդել է Տ. Սարգսյանը,–նպատակը մեկն է՝ վարկաբեկել գործող վարչապետին, ուրիշ նպատակ ես չեմ տեսնում։

Կից տեսանյութում ներկայացված է վարչապետի պատասխանները օֆշորի և «Ֆլեշի» թեմաներով։

7or.am

Խմբ. կողմից– Փաստորեն, Տիգրան Սարգսյանն ընտրել է «սուխոյ ատկազի» տարբերակը, մինչդեռ գործարար Փայլակ Հայրապետյանը բազմիցս պնդել է, որ կարող է ապացուցել վարչապետի՝ օֆշորային գործում ներգրավված լինելու հանգամանքը։