Սերժ Սարգսյանի դիրքերը հիմա ավելի թույլ են, քան երբևէ, ու դա ավելի սուր զգում ա հենց իր անմիջական շրջապատը: Սերժ Սարգսյանի արքունիքում նախախուճապային իրավիճակ է, և ընդդիմադիր ուժերը պետք է օգտվեն այդ տրամադրություններից, ում հետ հնարավոր է համագործակցել, պետք է համագործակցել՝ շատ նուրբ, կոկիկ, տակից, առանց հրապարակայնացնելու, առանց կոմպլեքսների, պետք է ստեղծել մի վիճակ, որ վճռական պահին հնարավոր լինի իշխանական, առանց այն էլ թուլացած բուրգը մատի մի հարվածով փլուզել, ինչպես թղթե տնակ:
Չի կարելի այս ճակատագրական ժամանակներում սահմանափակել գործողությունները ինչ-ինչ հոգեբանական կոմպլեքսներով և այլն: Պետք է համագործակցել՝ ում հետ հնարավոր է այս ավազակապետական ռեժիմից ազատվելու համար: Ով կհամաձայնվի և կհամագործակցի սուզվող նավը լքելու ճանապարհին, մեր ներողամիտ և մեծահոգի ժողովրդի կողմից, կարծում եմ, կներվի, ով՝ ոչ, Սերժ Սարգսյանի հետ կկիսի համաժողովրդական ատելության պտուղները:
Վճռական ու ճակատագրական ժամանակներ են սպասվում, նոր իրավիճակը պահանջում է նոր լուծումներ։

Կարեն Թովմասյանի ֆեյսբուքյան էջից