«Ազատություն» ռադիոկայանին տված հարցազրույցում Հայաստանում Ռուսաստանի դեսպան Իվան Վոլինկինն ասել է, որ ՄՄ–ին միանալու դեպքում Հայաստանը ստիպված կլինի զիջել իր ինքնիշխանության մի մասը: Դեսպանի խոսքերով՝ իրենց ինքնիշխանության որոշակի մասը զիջում են նաև ՄՄ մյուս անդամները, այդ թվում՝ Ռուսաստանը:

«Իսկ մի՞թե Եվրամիության անդամ երկրները չզոհաբերեցին իրենց ինքնիշխանության մի մասը, երբ միավորվում էին: Այդ երկրների մի մասն անգամ զոհաբերեց իր արդյունաբերության, գյուղատնտեսության որոշակի հատվածը: Ի դեպ, Մաքսային միությունը նման զոհողություններ չի պահանջում: Ավելին՝ Հայաստանի արդյունաբերությունը և գյուղատնտեսությունը լրացուցիչ խթան կստանան զարգացման ու եվրասիական շուկայի յուրացման համար»: