Իվետա Տոնոյան. ««Ժամանակ» թերթի հրապարակումը ծայրից ծայր սուտ է»
Այսօր «Ժամանակ» թերթը գրել էր, թե ԲՀԿ առաջնորդ Գագիկ Ծառուկյանը կառավարության աջակցությամբ պատրաստվում է 150 մլն դոլար արժողությամբ նոր կազինո կառուցել Վերին Պտղնի գյուղում:
Zham.am-ի հետ զրույցում Գագիկ Ծառուկյանի մամլո խոսնակ Իվետա Տոնոյանը հերքեց այս լուրերը՝ մասնավորապես նշելով, որ այդ հրապարակումը ծայրից ծայր սուտ է:
«Անկախ այն հանգամանքից, որ Գագիկ Ծառուկյանը շատ վաղուց չի զբաղվում ձեռնարկատիրական գործունեությամբ, միևնույն է, որոշ լրատվամիջոցներ ջանասիրաբար շարունակում են ապատեղեկատվություն տարածել: Պարոն Ծառուկյանը շատ վաղուց իր բիզնեսը հանձնել է հավատարմագրային կառավարման՝ «Մուլտի Գրուպ» կոնցեռնի տնօրեն Սեդրակ Առուստամյանին և պարզապես որոշ ձեռնարկություններում ունի բաժնեմասեր:
Ինչ վերաբերում է «Ժամանակ» թերթի հրապարակմանը, ապա այն ծայրից ծայր սուտ է: Հետևողական ապատեղեկատվության տարածման այդ լրատվամիջոցի որդեգրած քաղաքականությունն ինձ համար այլևս դադարել է զարմանալի լինել, սակայն այս անգամ արդեն գործ ունենք բացառիկ մասնագիտական անբարեխղճության հետ: «Ժամանակ» օրաթերթի լրագրողը նախորդ օրը ուշ երեկոյան այս հրապարակման մեջ զետեղված «տեղեկատվության» վերաբերյալ հարց էր ուղղել ինձ, որին ես խոստացել էի պատասխանել առավոտյան, սակայն, ինչպես պարզվեց, վերջինս նախընտրել է պարզապես ոտնահարելով մասնագիտական բարեկրթության տարրական կանոնները՝ հրապարակել չճշտված և սուտ տեղեկատվություն, ինչը, փաստորեն, հարիր է իրենց լրատվամիջոցի ոգուն:
Կրկնում եմ, որ հրապարակումն իրականության հետ որևէ առնչություն չունի»,- հայտարարեց Իվետա Տոնոյանը:
Իվետա Տոնոյան. ««Ժամանակ» թերթի հրապարակումը ծայրից ծայր սուտ է»
Այսօր «Ժամանակ» թերթը գրել էր, թե ԲՀԿ առաջնորդ Գագիկ Ծառուկյանը կառավարության աջակցությամբ պատրաստվում է 150 մլն դոլար արժողությամբ նոր կազինո կառուցել Վերին Պտղնի գյուղում:
Zham.am-ի հետ զրույցում Գագիկ Ծառուկյանի մամլո խոսնակ Իվետա Տոնոյանը հերքեց այս լուրերը՝ մասնավորապես նշելով, որ այդ հրապարակումը ծայրից ծայր սուտ է:
«Անկախ այն հանգամանքից, որ Գագիկ Ծառուկյանը շատ վաղուց չի զբաղվում ձեռնարկատիրական գործունեությամբ, միևնույն է, որոշ լրատվամիջոցներ ջանասիրաբար շարունակում են ապատեղեկատվություն տարածել: Պարոն Ծառուկյանը շատ վաղուց իր բիզնեսը հանձնել է հավատարմագրային կառավարման՝ «Մուլտի Գրուպ» կոնցեռնի տնօրեն Սեդրակ Առուստամյանին և պարզապես որոշ ձեռնարկություններում ունի բաժնեմասեր:
Ինչ վերաբերում է «Ժամանակ» թերթի հրապարակմանը, ապա այն ծայրից ծայր սուտ է: Հետևողական ապատեղեկատվության տարածման այդ լրատվամիջոցի որդեգրած քաղաքականությունն ինձ համար այլևս դադարել է զարմանալի լինել, սակայն այս անգամ արդեն գործ ունենք բացառիկ մասնագիտական անբարեխղճության հետ: «Ժամանակ» օրաթերթի լրագրողը նախորդ օրը ուշ երեկոյան այս հրապարակման մեջ զետեղված «տեղեկատվության» վերաբերյալ հարց էր ուղղել ինձ, որին ես խոստացել էի պատասխանել առավոտյան, սակայն, ինչպես պարզվեց, վերջինս նախընտրել է պարզապես ոտնահարելով մասնագիտական բարեկրթության տարրական կանոնները՝ հրապարակել չճշտված և սուտ տեղեկատվություն, ինչը, փաստորեն, հարիր է իրենց լրատվամիջոցի ոգուն:
Կրկնում եմ, որ հրապարակումն իրականության հետ որևէ առնչություն չունի»,- հայտարարեց Իվետա Տոնոյանը: