Խմբագրական

Օգոստոս 14, 2009 18:52

Ազատության և ստրկության սահմանագիծը

Ազատության և ստրկության սահմանագիծը

Մենք հիմա գտնվում ենք համակարգային անցման նախաշեմին։ Գործողն ունի արտաօրենսդրական խաղի կանոններով կարգավորվող պսևդոժողովրդավարական-ֆեոդալական-հետադիմական բնույթ։ Նման համակարգը երկար կյանք չի կարող ունենալ. կամ պետք է բարեփոխվի, կամ՝ ինքնաոչնչացման ենթարկվի։ Երկրորդ տարբերակն ի սկզբանե պետք է բացառել ոչ թե նրա համար, որ իրական կյանքում այն չի լինի, այլ այն պատճառով, որ ցանկալի չէ, քանի որ նշանակում է պետականության կորուստ։ 

 Այս տիպի պետությունները երկար չեն կարող գոյատևել, այն պարզ պատճառով, որ  դրա համար ռեսուրսներ են պահանջվում գազի և նավթի տեսքով։ Մեզ դա չի «սպառնում», իսկ մեր հիմնական ռեսուրս մարդը չի կարող զարգանալ և զարգացնել պետությունը, եթե մեզանում գործի տնտեսաքաղաքական փակ համակարգ։ Ակտիվ մարդիկ պարզապես կլքեն հայրենիքը կամ էլ կդառնան ներսում գործող մարգինալներ։ Իսկ եթե որևէ պետության մեջ մտածելու ու գործ անելու (ցանկացած բնագավառում) ընդունակ անհատները դառնան մարգինալ, ապա այդ պետությունը լուրջ հեռանկար չի կարող ունենալ։

Շատ ինդիկատորներ կան, որոնք ցույց են տալիս, որ Հայաստանում հանրային դիմադրություն կա ստեղծված իրավիճակին։ Ճիշտ է, այդ դիմադրությունը դեռ ապակենտրոնացված բնույթ ունի և առայժմ արտահայտվում է «ինտելեկտուալ կրակոցների» ու «խոհանոցային դեբատների» տեսքով, սակայն դա այդպես էլ պետք է լիներ. սկզբում՝ խոսք, հետո՝ գործ։ Հարցն այն է, թե որքան կտևի խոսքից գործի անցնելու պահը։ Դա կախված է ինչպես ներքին, այնպես էլ արտաքին գործոններից, որոնցից ես կկարևորեի ներքինը։ Արտաքինի ազդեցությունը տոկոսային առումով շատ փոքր է և ոչ որոշիչ։

Շատ սխալ տեսակետ կա, թե իբր դրսում՝ ինչ-որ մի տեղ, խելոք և ամենակարող «ձյաձյաները» կամ «ծյոծյաները» որոշում են, և մենք շարժվում ենք նրանց նախանշած ուղով՝ «Ախպե՛ր, ռուսները լրիվ սրանց են պահում, մենք ի՞նչ կարանք անենք», կամ «Ամերիկացիք ոնց որ էսսրանց վրա են «ստավկա» անում, ուրեմն լուծված ա հարցերը»  «վերլուծություններով» հանդերձ։

 «Ղարաբաղը կստիպեն, որ տանք», «Էսինչին Պուտինը «դաբրո» ա տվել, ու ինքը կդառնա նախագահ», «Մեդվեդևին ա հանդիպել, ուրեմն դրսից «պադձեռժկա» ունի, ուրեմն «վսյո», ինքը կրած ա», «Բուշի «վարսավիրին» ա հանդիպել, աչքիս ռևալյուցիայի «դաբրոն» ունի» և նմանատիպ այլ նախադասություններ, հավանաբար, շատ լսած կլինեք։ Ասեմ, որ հենց քաղաքական գործիչներն են առաջին հերթին տարածում դրանք, քանի որ գիտեն, թե ինչ մոգական ազդեցություն են գործում բազմաչարչար և լյումպենացված ընտրողների վրա այդ անհեթեթությունները։ Կարծում եք պատահակա՞ն էր, որ Սերժ Սարգսյանը նախագահական ընտրություններից անմիջապես հետո մեկնեց Մոսկվա ու հեռուստաէկրանների առաջ ժամերով անհարմարության աստիճանի հասնող շնորհակալություն էր հայտնում ՌԴ թանկագին նախագահ Դմիտրի Մեդվեդևից, որ իրենք օգնեցին ՀՀ շախմատի ֆեդերացիայի նախագահին, պետական համալսարանի կառավարման խորհրդի նախագահին ու էլի շատ ու շատ պաշտոններ ու տիտղոսներ ունեցող Սարգսյանին նախագահ ընտրվելու հարցում։ Իրականում ոչ մի օգնություն էլ չի եղել և չէր էլ կարող լինել։ Պարզապես իշխանությունը գիտի, որ Ռուսաց թագավորին նամակ գրել սիրող մեր ժողովրդի մի ստվար հատվածի վրա՝ նման էժանագին քարոզչական հնարքներն ազդում են ու շտապում է թատրոն ցույց տալու։

Եթե Մեդվեդևի հրաշագործ ազդեցությունը լիներ, հրեն Լևոն Տեր-Պետրոսյանը հիմա Բաղրամյան 26 հասցեում պետք է աշխատեր։ Չէ՞ որ Տեր-Պետրոսյանի թիմն ու ՀՀ առաջին նախագահին աջակցող մամուլը տարածում էին, թե նախագահական ընտրությունների նախօրեին Տեր-Պետրոսյանը հանդիպել է Մեդվեդևին։   Ենթադրենք՝ հանդիպել էր (չնայած այդ հանդիպման փաստը հավաստող որևէ իրական ապացույց այդպես էլ չներկայացվեց, բացի «Ապե՛, դե որ ասում են՝ ուրեմն հանդիպած կլինի էլի...» բազմանշանակ հիմնավորումից)։ Հետո՞։ Ոչ մի բան։ Տեր-Պետրոսյանն ինչպես հանրահավաք էր անում այդ հանդիպումից առաջ, նույնը շարունակում է հիմա։ Սա՛ է իրականությունը;

Դրսի մոգական ազդեցության մասին հյուսվող առասպելները համատարած մոլորություն են և ստրկամտության վառ դրսևորում, որի շրջանակներում շատերը մտածում են, թե մեզ մոտ ոչինչ չի փոխվի, քանի դեռ դրսից մի բան չեն արել։ Չե՛ն անելու։ Այդպիսի բան չկա։ Պետք է դադարել «դաբրոյով» ապրելուց ու «դաբրոներով» առաջնորդվելուց։ Մեր հարցերը լուծվում են ներսում, իսկ դրսինները փորձում են օգտվել դրանից։ Այսքան բան։

Եվ ուրեմն, որպեսզի դրական փոփոխություններ լինեն մեր կյանքում, պետք է հոգեբանորեն դրան պատրաստ լինել։ Ազատությունը հեշտ բան չէ։ Երբ ժամանակին ստրուկներին ազատություն շնորհեցին, նրանցից ոմանք, քիչ անց, վերադարձան իրենց նախկին տիրոջ մոտ ու ասացին, թե չեն ուզում ազատ լինել, քանի որ չեն կարողանում իրենց գլխի ճարը տեսնել։ Ժամանակ էր պետք, որպեսզի այդ ստրուկները համակերպվեին իրենց ազատ կարգավիճակի հետ։

Եթե մենք՝ հասարակ քաղաքացուց մինչև քաղաքական գործիչ կոչվածը, առաջնորդվենք «Մեկ ա մենք բան չենք կարա փոխենք, քանի դեռ դրսի «պապաները» մի բան չեն արել» սկզբունքով, ապա երբեք էլ հաջողության չենք հասնի։ Հաղթանակի և պարտության բանալիները ներսում են. մե՛ր զինվորն ու հրամանատարն են հաղթել Արցախի պատերազմում,  մե՛ր քաղաքացիներն ու ուժայիններն են համատեղ կեղծել գրեթե բոլոր մակարդակների ընտրությունները հետանկախական փուլում, մե՛ր շախմատիստներն են չեմպիոն դարձել, մե՛ր դատավորներն են կաշառք վերցնում և այլն։ Բոլորը մենք ենք։ Կոնդոլիզա Ռայսն ու Սարկոզիի կինն այստեղ կապ չունեն։ Ոչ մեկը մեզանից չի կարող խլել Արցախը, եթե մենք այն կամովին չհանձնենք։ Ոչ մեկը չի կարող ստիպել մեզ ընտրակեղծիքներ անել, եթե մենք դա չանենք։ Դրսից կազմակերպված «դավադրությունների տեսությանը»  պետք չէ լուրջ վերաբերվել։  

Հետևաբար, ներսից մեր Տունը մաքրելով, պետք է այնպես անենք, որ դուրսն իր ձեռքերը չշփի՝ օգտվելով հարմար առիթից։

Անդրանիկ Թևանյան

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: