Քաղաքական

26.08.2014 13:36


Ռուբեն Հակոբյան. «Սահմանադրական փոփոխություններն այլ նպատակ են հետապնդում»

Ռուբեն Հակոբյան. «Սահմանադրական փոփոխություններն այլ նպատակ են հետապնդում»

Սեպտեմբերի 15-20-ը «Ժառանգություն»–ը պատրաստվում է իշխանությունների նախաձեռնած սահմանադրական փոփոխությունների թեմային նվիրված ֆորում անցկացնել։ Այս մասին լրագրողներին հայտնել է «Ժառանգություն» խմբակցության ղեկավար Ռուբեն Հակոբյանը։

–Այս լարված իրավիճակում, երբ թե՛ ներքին և թե՛ արտաքին քաղաքականության մեջ առաջնահերթություններն այլ օրակարգ ունեն, պետք չէ առաջնային համարել սահմանադրական փոփոխությունների հարցը։ Կարծում ենք, որ սահմանադրական փոփոխություններն այլ նպատակ են հետապնդում,-նշել է Ռ. Հակոբյանը։

Նա նաև անդրադարձել է Սերժ Սարգսյանի հայտարարությանը, թե ՀՀ-ում իշխանությունը ձևավորվում է բացառապես ընտրությունների միջոցով։

–Սերժ Սարգսյանը մի բառ է բաց թողել՝ իշխանությունների վերարտադրությունը ՀՀ-ում եղել ու մնում է ընտրությունների կեղծիքի՛ արդյունքում,–ընդգծել է Ռ. Հակոբյանը:

Նա նաև հավելել է, որ այսօր իշխանությունների իրական այլընտրանքը ոչիշխանական «քառյակն» է, և նրան կհաջողվի անցնցում ու առանց մայդանների արմատական փոփոխություններ իրականացնել:

7or.am

Այս խորագրի վերջին նյութերը