«Բազե 2014»-ի երիտասարդ լրագրողների հետ հանդիպման ժամանակ խոսելով պարտադիր կուտակային համակարգի մասին՝ Սերժ Սարգսյանը հայտարարել էր.

–Ես կողմ եմ կենսաթոշակային այն համակարգին, այն բարեփոխումներին, որ նախկին կառավարությունը ներկայացրել էր:

Այսինքն, Սարգսյանը կողմ է մի օրենքի, որը Սահմանադրական դատարանը ճանաչել էր հակասահմանադրական:

Աշխատանքի և սոցիալական հարցերի նախարար Արտեմ Ասատրյանը, սակայն, հրաժարվում է մեկնաբանել այս խոսքերը։

–Ես չեմ լսել էդպիսի բան,–այսօր ԱԺ–ում լրագրողներին ասել է Ա. Ասատրյանը,–ինձ թվում է՝ դուք մի քիչ կոնտեքստից դուրս եք ներկայացնում. ես տեղյակ չեմ այդ հայտարարությանը։

Նախարարը հրաժարվել է նաև մեկնաբանել Սահմանադրական դատարան դիմելու ԲՀԿ–ի և ՀՅԴ–ի որոշումը, որին միացել են նաև ՀԱԿ–ն ու «Ժառանգությունը»։

7or.am