Քաղաքական

19.10.2014 11:02


Մի շարք մարզերում ՏԻՄ ընտրություններ են

Մի շարք մարզերում ՏԻՄ ընտրություններ են

Այսօր Արագածոտնի, Արարատի, Արմավիրի, Գեղարքունիքի, Լոռիի, Կոտայքի, Շիրակի, Վայոց ձորի մարզերի մի շարք համայնքներում տեղական ինքնակառավարման մարմինների ընտրություններ են։

Արագածոտնի մարզի Նոր Ամանոս համայնքում առաջադրվել է 2 թեկնածու՝ գործող գյուղապետ, ՀՀԿ–ական Սարգիս Ալեքսանյանը և անկուսակցական Վահրամ Ավետսիյանը։

Արարտի մարզի Դալար համայքնումթեկնածուները 3–ն են՝ գործող գյուղապետ, ՀՀԿ–ական Գագիկ Ավետսիյանը, կրկին ՀՀԿ–ականԱրթուր Գրիգորյանը և անկուսակցական Աշոտ Եղիազարյանը։

Արմավիրի մարզի Գետաշեն հայանքում առաջադրվել է 2 թեկնածու՝ գործող գյուղապետ, ՀՀԿ–ականԳագիկ Հովհաննիսյանը և անկուսակցական Վարուժան Նաջարյանը։

Գեղարքունիքի մարզի Դդմաշեն համայնքում կրկին 2 թեկնածու է՝ գործող գյուղապետ, ՀՀԿ–ականԱվետիս Ավետիսյանը և անկուսակցական Բորիս Հակոբյանը։

Նույն մարզի Մաքենիս համայնքում առաջադրված միակ թեկնածուն գործող գյուղապետ, ԲՀԿ–ականՀարություն Մանուկյանն է։

Ներքին Գետաշենում էլ 2 թեկնածու է՝ գործող գյուղապետ, ՀՀԿ–ական Կարո Գևորգյանը և անկուսակցական Սպարտակ Գորանցյանը։

Լոռիի Ձյունաշող համայնքում մեկ թեկնածու ՝ գործող գյուղապետ, ՀՀԿ–ական Գարրի Գրիոգրյանը։

Կոտայքի մարզի Զորավան համայքնում առաջադրվել են՝ գործող գյուղապետ, ՀՀԿ–ականԲաղդասար Թովմասյանը և անկուսակցական Գևորգ Ղազարյանը։

Շիրակի մարզի Արևիկ համայնքում առաջադրվել են գործող գյուղապետ, ՀՀԿ–ական Գարեգին Ստեփանյանը և անկուսակցական Դավիթ Թումիկյանը։

Նույն մարզի Լուսակերտ համայնքում առաջադրված թեկնածուները 2–ն են՝ գործող գյուղապետ, ՕԵԿ–ական Սամվել Բալաբեկյանը և անկուսակցական Մուրադ Ոսկանյանը։

Նույն մարզի Հովտաշեն համայնքում առաջադրվել է 2 թեկնածու՝ գործող գյուղապետ, ՀՅԴ–ականՍեյրան Փիլոսյանը և անկուսակցական Արմեն Եղոյանը։

Վայոց ձորի Գնիշիկ համայնքում առաջադրվել են գործող գյուղապետ ՀՀԿ–ական Մեսրոպ Մելքոնյանը և մեկ այլ ՀՀԿ–ական Արա Լևոնյանը։

Վայոց ձորի մարզի Սերս համայնքում էլ մեկ թեկնածու է՝ գործող գյուղապետ, ՀՀԿ–ական Տիգրան Մալխասյանը։

7or.am

Այս խորագրի վերջին նյութերը