Լրահոս

24.11.2014 10:43


Թունիսում նախագահական ընտրություններ են կայացել

Թունիսում նախագահական ընտրություններ են կայացել

Նախօրեին Թունիսում 2011 թ.«հասմիկների հեղափոխությունից» հետո առաջին անգամ նախագահական ընտրություններ են կայացել։ Բարձրագույն անկախ հանձնաժողովի տվյալներով՝ մասնակցության թիվը երկրում կազմել է 64,6%։

Թունիսի մի շարք շրջաններում քվեարկությունը սկսվել է տեղական ժամանակով 08։00–ին և ավարտվել 18:00–ին։ Ալժիրի հետ սահմանակից նահանգներում ընտրատեղամասերը բաց են եղել տեղական ժամանակով 10:00–ից մինչև 15:00–ն։
Քվեարկությունը տեղի է ունեցել 33 շրջանում, որոնցից 6–ն արտասահմանում է։
Համաձայն սահմանադրության՝ երկրի ղեկավարն ընտրվում է հինգ տարի ժամկետով անմիջական գաղտնի քվեարկության միջոցով։
Ընտրությունների արդյունքները պետք է հրապարակվեն երեք օրից, այսինքն՝ նոյեմբերի 26-ից ոչ ուշ։ Եթե թեկնածուներից ոչ ոք ձայների 50 տոկոսը չհավաքի, կնշանակվի ընտրությունների երկրորդ փուլ, որը տեղի կունենա մինչև տարեվերջ։

Տեղեկացնում է «ՏԱՍՍ»–ը։

Այս խորագրի վերջին նյութերը