Իրանը և «վեցնյակը» վերջնական որոշում են ընդունել բանակցային գործընթացը մի քանի ամսով երկարաձգելու վերաբերյալ։ Այս մասին «ՏԱՍՍ»–ին հայտնել է բանակցային գործընթացին մասնակցող աղբյուրը՝ նշելով, որ ժամկետները կհստակեցվեն նախարարական հանդիպմանը։

Տարբեր ԶԼՄ–ի աղբյուրներ հաղորդում են բանակցային գործընթացի երկարաձգման մասին մինչև մարտի վերջ և անգամ՝ հուլիս։
Գործակալության զրուցակիցը հայտնել է նաև, որ Իրանը և «վեցնյակը» քաղաքական հայտարարություն են պատրաստում բանակցությունների վիեննական փուլի արդյունքների վերաբերյալ։