Եռաբլուրում ԼՂՀ ՊԲ «ՄԻ-24» ուղղաթիռի անձնակազմի հուղարկավորությունից հետո ԼՂՀ պաշտպանության նախարար Մովսես Հակոբյանը լրագրողներին ասել է, որ բոլոր հարցերի պատասխանները կտրվեն ծառայողական քննությունից հետո:

Նա ընդգծել է, որ բանակում այդ միջադեպի հետ կապված հոգեբանական անկում չկա, քանի որ բանակը ստեղծված է պատերազմի համար, և սա էլ պատերազմի մի դրվագ էր:

–Բանակը միշտ էլ բերված է այնպիսի պատրաստվածության, որ ցանկացած պահի պատրաստ է համարժեք պատասխան տալ հակառակորդի ոտնձգություններին,–ասել է նա։

Մ. Հակոբյանը նաև նշել է, որ Ադրբեջանն իրավասու չէ սահմանափակել Արցախի Հանրապետության օդային տարածքը.

–Արցախում միշտ էլ իրականացվել են թռիքներ և շարունակելու են իրականացվել:

7or.am