Քաղաքական

26.11.2014 20:56


Հովիկ Աբրահամյանը՝ դրամի արժեզրկման և «եռյակի» մասին

Հովիկ Աբրահամյանը՝ դրամի արժեզրկման և «եռյակի» մասին

ՀՀԿ ԳՄ նիստից առաջ վարչապետ Հովիկ Աբրահամյանը լրագրողներին ասել է, որ դրամի արժեզրկումը դրական և բացասական կողմեր ունի։

Նրա խոսքով՝ ԱՄՆ դոլարի կուրսի բարձրացումը կարող է բացասական ազդեցություն ունենալ հասարակության կենսամակարդակի վրա: Իսկ դրականը նա է, որ կարող է օգնել տեղի արտադրողներին՝ կազմակերպել արտադրություն, իրացում, արտահանում և ստեղծել աշխատատեղեր։

Իսկ թե որքան կպահպանվի այս իրավիճակը, այդ հարցը նա Կենտրոնական բանկի տիրույթում է համարում։

–Իրենք են դրա պատասխանտվությունը կրում,–ասել է Հ. Աբրահամյանը:

Ինչ վերաբերում է 12 կետերի շուրջ բանակցելու «եռյակի» մերժմանը, վարչապետը նշել է, որ իրենք հանդես են գալիս կառուցողական դիրքերից և ուզում են ընդդիմության հետ աշխատել.

Կարծում եմ, ճիշտ ու կոռեկտ կլինի, որ իրենք պատասխանեն։ Ես ամեն ինչ անում եմ, որ վստահեն ինձ ու Կառավարությանը: Իրենք նույնիսկ առաջարկել էին, որ 10-րդ կետից սկսեին, մենք նույնիսկ դրան էինք համաձայնվել։ Իսկ եթե իրենք չեն ուզում քննարկել, մենք անելիք չունենք։

7or.am

Այս խորագրի վերջին նյութերը