ՏՄՊՊՀ նախագահ Արտակ Շաբոյանը ՀՀ կառավարության այսօրվա նիստում հայտնել է, որ գների տատանումների հետ կապված՝ հանձնաժողովը նոյեմբերի սկզբից մինչև դեկտեմբերի 10–ը ուսումնասիրություն է կատարել շուկայում:

Նա նշել է, որ դրամի փոխարժեքի կտրուկ անկումն իր բացասական ազդեցությունն է ունեցել ներմուծվող ապրանքատեսակների գների վրա։

–Գները սկսել են բարձրանալ նոյեմբերի 20–ից հետո: Դրամի արժեզրկումն իր անմիջական ազդեցությունն է ունեցել նաև կաթնամթերքի գնի վրա, քանի որ որոշ ապրանքների բաղադրիչներ ներմուծվում են,–ասել է Շաբոյանը՝ հավելելով նաև, որ կաթնամթերքի գնի բարձրացման պատճառ կարող է լինել ձմռան ամիսներին դրա արտադրանքի ծավալների կտրուկ նվազումը:

–Սա դեռ վերջնական դիրքորոշումը չէ։ Մենք լայնածավալ ուսումնասիրություն ենք սկսել, որի ավարտից հետո մեր վերջնական դիրքորոշումը կներկայացնենք,-նշել է նա:
Ինչ վերաբերում է հնդկաձավարի գնի կտրուկ աճին, ՏՄՊՊՀ նախագահն ասել է, որ այն հիմնականում ներմուծվում է ռուսական շուկայից, որտեղ հնդկաձավարի բերքը կրճատվել է 20 տոկոսով, հետևաբար գներն էլ աճել են:

7or.am