Լրահոս

17.12.2014 20:40


Գալուստ Սահակյան. «Խորհուրդ տալով որևէ մեկի ստամոքսը չի լցվի»

Գալուստ Սահակյան. «Խորհուրդ տալով որևէ մեկի ստամոքսը չի լցվի»

Պատգամավորների 1/3–ի նախաձեռնությամբ հրավիրված փոխարժեքի տատանման ու գնաճի վերահսկման հարցով այս պահին էլ ընթացող արտահերթ դռնփակ նստաշրջանը կավարտվի այսօր՝ 22:00–ին։ Այս մասին լրագրողներին հայտնել է ԱԺ նախագահ Գալուստ Սահակյանը՝ նշելով, որ պատգամավորների հարցերին է պատասխանում Կենտրոնական բանկի նախագահ Արթուր Ջավադյանը:

Գ. Սահակյանը նաև հավելել է, որ փոխարժեքի շուկայում ստեղծված իրավիճակն ամբողջ աշխարհում է, այդ իսկ պատճառով դժվար է հստակ ասել՝ երբ կկայունանա իրավիճակը:

Լրագրողները նրանից հետաքրքրվել են՝ իրավիճակը վերահսկել ու կարգավորել չկարողացող Կառավարությունը հրաժարական չպե՞տք է տա։

–Կառավարությունն աշխատում է ֆորսմաժորային իրավիճակին բնորոշ։ Նշանակում է՝ ամբողջ աշխարհը պիտի հրաժարական տա,–պատասխանել է Գ. Սահակյանը,–աշխարհում եղանակը փոխվում է, ջրհեղեղներ են լինում... ֆորսմաժորային մի ժամանակաշրջան է, և, բնականաբար, դա տնտեսության վրա պիտի անդրադառնա։

Թե ինչ պետք է անի ժողովուրդը ստեղծված իրավիճակում, Գ. Սահակյանը չի պատրաստվում խորհուրդ տալ. «Խորհուրդ տալով որևէ մեկի ստամոքսը չի լցվի. պետք է կարողանալ այնպիսի միջոցառումներ ձեռնարկել, որ ժողովրդի համար ինչ-որ չափով սփոփիչ լինի»։

7or.am

Այս խորագրի վերջին նյութերը