ՀՀ վարչապետ Հովիկ Աբրահամյանը Կառավարության այսօրվա նիստի մեկնարկին հայտնել է, որ Արժույթի միաջազգային հիմնադրամն ու Համաշխարհային բանկն ամեն կերպ աջակցում են Հայաստանի ֆինանսական շուկայում «արտաքին շոկերով պայմանավորված» իրավիճակը կայունացնելու հարցին, և այսօր արդեն ֆինանսական շուկայում նկատվում է արժույթի կարգավորում:

–Սակայն, մենք անհանգստացած ենք փոխանակման կետերում գնման և վաճառքի մեծ մարժաներով և սպառողական շուկայում տեղի ունեցող որոշ գործընթացներով: Օրինակ՝ երեկ շաքարի, ալյուրի և լայն սպառման մի շարք ապրանքների գների ակնհայտ բարձրացումներ կային,-ասել է Հովիկ Աբրահամյանը՝ ՏՄՊՊՀ նախագահ Արտակ Շաբոյանին հանձնարարելով ուսումնասիրություններ կատարել շուկայում.

–Խստագույնս հետևեք՝ ամենայն պատասխանատվությամբ մոտենալով հարցին: Կառավարությունը չի հանդուրժելու անհիմն թանկացումները,–ընդգծել է Հ. Աբրահամյանը:

7or.am