Աշխարհ

19.12.2014 10:29


ՌԴ նկատմամբ պատժամիջոցների փոփոխման հարցը կդիտարկվի 2015–ի գարնանը

ՌԴ նկատմամբ պատժամիջոցների փոփոխման հարցը կդիտարկվի 2015–ի գարնանը

Պատժամիջոցների ռեժիմի փոփոխումը ՌԴ նկատմամբ կդիտարկվի Եվրախորհրդի՝ 2015թ. գարնանը կայանալիք նիստում։ Այս մասին «ՏԱՍՍ»–ին հայտնել է եվրոպացի դիվանագետը ԵՄ գագաթաժողովի հետնաբեմում։

Նա նաև նշել է, որ շատ բան կախված է լինելու Ուկրաինայի տարածքում հակամարտության իրավիճակից։
Դիվանագետը հաղորդել է նաև, որ Եվրամիության օրակարգում դեռևս չկա պատժամիջոցների խստացման հարցը։ Ռուսաստանի տնտեսության ֆինանսական ճգնաժամային տենդենցները բացառում են նոր տնտեսական պատժամիջոցների հնարավորությունը ԵՄ կողմից.
«ՌԴ տնտեսական կոնյունկտուրայի վատթարացումը ԵՄ երկրներին սպառնում է ստագնացիայով, որը կարող է խաթարել նրանց ջանքերը հետճգնաժամային իրավիճակի վերականգնման հարցում»։
Միևնույն ժամանակ, նրա խոսքերով, Ուկրաինայում իրավիճակի նոր սրման պարագայում ԵՄ–ն կարող է դիտարկել ֆիզիկական անձանց «սև ցուցակի» «նոր ընդլայնման» հնարավորությունը, որոնց համար այսօր փակ է մուտքը ԵՄ պետությունների տարածք, իսկ նրանց բանկային հաշիվները եվրոպական բանկերում ենթակա են սառեցման բացահայտման դեպքում։

Այս խորագրի վերջին նյութերը