Կարծիք

20.12.2014 11:51


Օրվա իշխանությունը սիրտ չուներ՝ տեսնելու «Մուլտի Գրանտ» հյուրանոցի բացումը

Օրվա իշխանությունը սիրտ չուներ՝ տեսնելու «Մուլտի Գրանտ» հյուրանոցի բացումը

Բազմիցս է ասվել, որ օրվա բարձրագույն իշխանությունն առիթ-անառիթ շրջում է աշխարհով մեկ՝ տաղավարների, ցուցասրահների բացմանն ականատես լինելու նպատակով, ինչու չէ՝ նաև մի հեռավոր էկզոտիկ երկրում մի օր ավելի զվարճանալու համար:

Սակայն տարակուսանք է առաջացնում, որ տարածաշրջանում բացված եզակի հյուրանոցային համալիրի բացմանը ներկա չեն եղել իշխանական բուրգում գտնվողներից շատերը:

Միջազգային չափորոշիչներին համապատասխան կառուցված «Մուլտի Գրանտ» հյուրանոցային համալիրը վերջին տարիներին հանրապետությունում կյանք մտած եզակի կառույցներից մեկն է:

Հայաստանում վաղուց արդյունաբերական հսկաները մատնված են անգործության, և հաճախ է շեշտվում, որ երկրի տնտեսության զարգացման գերակա ուղղություններում տուրիզմն է, իսկ այն ենթադրում է ենթակառուցվածքային նորացում, արդիականացում և սպասարկման ոլորտների մակարդակի բարձրացում:

Առանց հյուրանոցային տնտեսության զարգացման՝ տուրիզմը կմնա միայն 12-րդ վարչապետ Տիգրան Սարգսյանի երկու բիոզուգարանների հույսին:

Դե ինչ, մնում է ափսոսանքով փաստել, որ օրվա բարձրագույն իշխանությունը գուցե խառն է իր ֆինանսավարկային գործառույթներում, կամ էլ պարզապես սիրտ չեն ունեցել՝ տեսնելու «Մուլտի Գրանտ» հյուրանոցի բացումը:

Սովորաբար, երբ օրվա իշխանության վերարտադրությունն արգելափակվում է կարմիր գծերով, դժվար է տարածաշրջանի եզակի հյուրանոցի բացմանը ներկա լինել…:

Դե ինչ, բարձրագույն իշխանությունը լուրջ սրտաբանների անհրաժեշտություն ունի:

Գառնիկ Վաղարշակյան

Հայաստանի բուհերի արհեստակցական կազմակերպությունների ճյուղային

հանրապետական միության նախագահ

Այս խորագրի վերջին նյութերը