Ինդոնեզական փրկարարներն այսօր սկսել են «AirAsia» ավիաընկերության օդանավի բարձրացման գործողությունները, որն անցած տարի կործանվել էր Ճավա ծովում։
«Հույս ունենք իրականացնել դա այսօր», – «Ֆրանս պրես»–ի հետ հարցազրույցում հայտարարել է որոնողա–փրկարարական աշխատանքների ներկայացուցիչ Սուրիյադի Սուպրիյադին։
Ինչպես հաղորդում է «Ֆրանս պրես»–ը, ինքնաթիռի հատվածի բարձրացման որոշումն ընդունվել է այն բանից հետո, երբ դեպքի վայրում աշխատող ջրասույզները կարողացել են ներթափանցել ինքնաթիռի հիմնական հատված։ Նշվում է նաև, որ նախօրեին ևս մի քանի դի է հայտնաբերվել։ Գործակալության տվյալներով՝ գտնված մարմինների թիվը ներկայումս հասել է 69-ի։

Տեղեկացնում է «ՌԻԱ Նովոստի»–ն։