ԵԱՀԿ Մինսկի խմբի ռուսաստանցի համանախագահ Յուրի Մերզլյակովը Ստեփանակերտում վստահեցրել է, որ Լեռնային Ղարաբաղն անպայման կմասնակցի հակամարտության կարգավորման հիմնական փաստաթղթերի ընդունման աշխատանքներին։ «Մենք միշտ համարել ենք, որ այդ պահը գալու է, և իմ կարծիքով դա պետք է տեղի ունենա այն ժամանակ, երբ մադրիդյան սկզբունքների հիման վրա ձեռք կբերվի համաձայնություն։ Եվ քանի որ խոսքը գնալու է հակամարտության խաղաղ կարգավորման և ԼՂ-ի կարգավիճակի մասին, ապա գործընթացին չի կարող անմասն մնալ Ղարաբաղի բնակչությունը»,-ասել է Մերզլյակովը։