Իսրայելում հույս ունեն, որ Ռուսաստանի նախագահ Վլադիմիր Պուտինը կկարողանա այցելել երկիր մայիսին։ Այս մասին «ՏԱՍՍ»–ին տված հարցազրույցում ասել է իսրայելական ԱԳ նախարար Ավիգդոր Լիբերմանը։
«Հույս ունենք որ նա կկարողանա ժամանել։ Մայիսի սկզբին մենք արդեն կունենանք ձևավորված կառավարություն», – նշել է նա։
Լիբերմանը հիշեցրել է, որ մարտի 17-ին Իսրայելում արտահերթ խորհրդարանական ընտրություններ կանցկացվեն. «Ընտրություններից հետո մոտավորապես ամիսուկես կպահանջվի նոր կոալիցիայի, նոր կառավարության ստեղծման համար»։

Լիբերմանը նաև հայտնել է, որ Իսրայելի և ԵՏՄ–ի միջև ազատ առևտրի գոտու ստեղծման բանակցությունները հնարավոր է՝ թևակոխեն եզրափակիչ փուլ արդեն ապրիլին։

Տեղեկացնում է «ՏԱՍՍ»–ը։