Լրահոս

29.01.2015 14:00


Բանակի օրվան նվիրված միջոցառում Հալեպում

Բանակի օրվան նվիրված միջոցառում Հալեպում

ՀՀ ԱԳՆ–ից հայտնում են, որ հունվարի 28-ին Հայոց բանակի 23-րդ տարեդարձի կապակցությամբ Հալեպում ՀՀ գլխավոր հյուպատոսությունում կազմակերպվել էր ընդունելություն:

Միջոցառման ընթացքում շնորհավորական խոսքով ներկաներին դիմեց Հալեպում ՀՀ գլխավոր հյուպատոս Տիգրան Գևորգյանը: Վերջինս շեշտեց Հայոց բանակի անգնահատելի դերը Հայաստանի ու Արցախի անվտանգության, սահմանների պաշտպանության, ինչպես նաև տարածաշրջանային խաղաղության ու կայունության ապահովման գործում:

Ընդունելության ընթացքում ՀՀ քաղաքացու անձնագրեր հանձնվեցին մի խումբ հալեպահայերի: Իրենց խոսքում նորընծա քաղաքացիները վստահեցրին, որ բարձր պատվով և պատասխանատվության մեծ զգացումով կկրեն այս նշանակալի և հիշարժան օրը ստացած ՀՀ անձնագրերը:

Այս խորագրի վերջին նյութերը