ՀՀ կառավարության շենքի մոտ բողոքի գործողություն իրականացնող անհատ ձեռերեցները երթով հասել են նախագահական նստավայր։ Մինչ այդ նրանք մի փոքր դադար են տվել ՀՀ Ազգային ժողովի մոտ` այնտեղ ևս բացականչելով՝ կա՛–սե՛–ցո՛ւմ։

Նրանք նախապես որոշել էին, որ չեն փակելու Բաղրամյան պողոտան, սակայն հասնելով նախագահական նստավայրի մոտ՝ ցուցարարների քանակն այնքան շատ է եղել, որ միայն մեկ մայթում կանգնելն անհնար է դարձել։

Այս պահին բողոքի գործողության մասնակիցների մի մասն անմիջապես Բաղրամյան 26–ի մոտի մայթում է, մյուս մասը՝ դիմացի։

Ոստիկանները շղթա են կազմել և թույլ չեն տալիս նրանց կանգնել հենց նախագահական նստավայրի դիմաց։

7or.am