Կառավարության այսօրվա նիստում վարչապետ Հովիկ Աբրահամյանն, անդրադառնալով «Շրջանառության հարկի մասին օրենքը» վերանայելու ՓՄՁ ներկայացուցիչների պահանջին, ֆինանսների նախարարի տեղակալ Վախթանգ Միրումյանին հարցրեց, թե որքանով է հիմնավորված այն։

Միրումյանը հերթական անգամ ներկայացրեց իշխանության փաստարկը, թե փոխզիջումային տարբերակ է ընտրվել՝ պետությունը նվազեցրել է հարկային բեռը, փոխարենը՝ փաստաթղթավորման պարտադիր պահանջ է սահմանվել:

«Երկրորդ խնդիրն այն է, որ տնտեսվարող սուբյեկտները դժգոհում են, թե գույքագրման սահմանված ձևը մատչելի չէ։ Երրորդ խնդիրը իրազեկման հետ կապված հարցերն էին»,-ասել է ֆինանսների նախարարի տեղակալը։

Հովիկ Աբրահամյանն էլ նշել է, որ Կառավարությունը պայմանավորվածությունները կատարել է։