Քաղաքական

31.01.2015 11:47


Տիգրան Կարապետյան. «Փրկությունը տեսնում եմ Ծառուկյանի ղեկավարած համազգային շարժման մեջ»

Տիգրան Կարապետյան.  «Փրկությունը տեսնում եմ Ծառուկյանի ղեկավարած համազգային շարժման մեջ»

Այսօրվա ասուլիսին «Ժողովրդական կուսակցության» նախագահ Տիգրան Կարապետյանը հայտնել է, թե Հայաստանի ընդդիմադիր դաշտում այլևս կա միայն համաժողովրդական շարժում, որն առաջնորդում է «Բարգավաճ Հայաստան» կուսակցության ղեկավար Գագիկ Ծառուկյանը։

«Ես այսօր փրկությունը տեսնում եմ Ծառուկյանի ղեկավարած համազգային շարժման մեջ, իսկ լիդեր այսօր կարող է լինել Ծառուկյանը։ Նա ռեսուրս ունի, չի ուզում, որ նեղ շրջանակները օգտվեն, այլ ցանկանում է, որ ժողովուրդը օգտվի»,- ասել է ԺԿ նախագահը։

Անդրադառնալով ՀՅԴ-ին՝ բանախոսը նշեց, թե դաշնակցական վերնախավը միշտ էլ համագործակցել է իշխանության հետ:

«Իշխանությունը գիտի, որ եթե Դաշնակցությունն ընդդիմություն է դառնում, դա վտանգ է, իսկ երբ պաշտպանում է, իշխանությունը ուժեղ է ձևանում, բայց իրականում փտած է»,- ասաց Կարապետյանը։

7or.am

Այս խորագրի վերջին նյութերը