ՀՀ ոստիկանությունից հայտնում են, որ փետրվարի 11-ին՝ ժամը 23.10-ին, հիվանդանոցից ոստիկանության Բազումի բաժնում հաղորդում էր ստացվել, որ «գոտկային շրջանի և ձախ ձեռքի ծակած-կտրած վերքեր» ախտորոշմամբ՝ բուժօգնության է դիմել 1992 թ. ծնված Էդիկ Մ.-ն:
Մեկնած օպերատիվ խմբին Էդիկ Մ.-ն հայտնել էր, որ վնասվածքները ստացել է Լոռվա խճուղու սկզբնամասում գտնվող ջրամաքրման կայանի մոտ վայր ընկնելու հետևանքով:
Ձեռնարկված միջոցառումների շնորհիվ պարզվել է, որ Վանաձոր քաղաքի Լոռվա խճուղում գտնվող ջրամաքրման կայանի տարածքում, վիճաբանության ժամանակ, 1991 թ. ծնված Գաբրիել Պ.-ն ծալովի դանակով հարվածներ է հասցրել Էդիկ Մ.-ին` պատճառելով վնասվածքներ:
Քննությունը շարունակվում է: