Մարտի 6-ին, ժամը 17.14-ին ահազանգ է ստացվել, որ Սևան–Հրազդան ավտոճանապարհին տեղի է ունեցել ՃՏՊ, կա տուժած. դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մ-4 միջպետական ավտոճանապարհի Երևան-Սևան 47-կմ-ի հատվածում «Օպել» մակնիշի 33 LV 656 պ/հ ավտոմեքենան (վարորդ` Ա. Ք., ծնվ.1977թ.) դուրս է եկել ճանապարհի երթևեկելի հատվածից և կողաշրջվել:

Մինչ հրշեջ-փրկարարների կանչի վայր հասնելը` տեղի ուժերով ավտոմեքենան ուղղվել է, ուղևոր Ա. Ս.-ն (ծնվ. 1964 թ.) տեղափոխվել է Հրազդան քաղաքի ԲԿ, որտեղ բժիշկները տուժածի առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենան և դուրս բերել ճանապարհի երթևեկելի հատված: