«Fitch Ratings» միջազգային վարկանշային գործակալությունը նշում է, որ Ռուսաստանի տնտեսական աճի կտրուկ դանդաղումը էականորեն ազդում է ԱՊՀ երկրների տնտեսությունների վրա:

Այս մասին ասված է «Fitch»-ի «Ռուսական տնտեսության աճի դանդաղումը բացասաբար է ազդում ԱՊՀ երկրների վրա» հաշվետվությունում:

«Ռուսաստանը Հայաստանի արտահանման առաջատար շուկան է եւ օտարերկրյա ուղղակի ներդրումների, ինչպես նաև Ռուսատանում աշխատող ՀՀ քաղաքացիների փոխանցումների խոշորագույն աղբյուրը: Այդ պատճառով ռուսական տնտեսության դանդաղեցումը զգալի ազդեցություն է գործում Հայաստանի աճի հեռանկարների վրա, ինչն արտացոլված է գործակալության կողմից երկրի վարկանիշը մեկ աստիճանով` մինչեւ «B+» իջեցնելու մեջ»,- նշել են «Fitch»-ում:

«Fitch»-ի տվյալներով՝ Ռուսաստանի տնտեսական իրադրության փոփոխություններին ամենաքիչը ենթարկված Է Վրաստանը:

«Թե՛ Հայաստանը, թե՛ Վրաստանը իրենց արժույթների լողացող փոխարժեք են սահմանել՝ դրանով իսկ ապահովելով արժութային պահուստների ամորտիզացիան եւ պահպանումը»,-հավելել են վերլուծաբանները:

Աղբյուրը՝ «Hasarakutyun.am»