2015թ. ընթացքում Ուկրաինան 10 մլրդ դոլարի ֆինանսական օգնություն կստանա Արժույթի միջազգային հիմնադրամից։ Այս մասին, «Լենտա»–ի փոխանցմամբ, նախօրեին Բեռլինում Գերմանիայի կանցլեր Անգելա Մերկելի հետ հանդիպմանն ասել է ԱՄՀ ղեկավար Քրիսթին Լագարդը։

Իր հերթին Ուկրաինայի վարչապետ Արսենի Յացենյուկը Կիևում լրագրողներին հայտնել է, որ չորսամյա ծրագրով տրամադրվելիք ԱՄՀ վարկի առաջին տրանշը կազմում է 5 մլրդ դոլար։ ԱՄՀ–ն Ուկրաինային լրացուցիչ 7.5 մլրդ դոլարի օգնություն կհատկացնի տնտեսությունը կայունացնելու և զարգացնելու համար։

Նախօրեին հիմնադրամը հաստատել է Ուկրաինային հատկացվելիք ֆինանսական աջակցության ծրագիրը։ Առաջիկա 4 տարվա ընթացքում ԱՄՀ–ն Կիևին 17.5 մլրդ դոլարի վարկ կհատկացնի։ Ընդհանուր առմամբ, 4 տարվա ընթացքում Ուկրաինան ԱՄՀ–ից 25 մլրդ դոլար կստանա։

7or.am