Քննիչները ռուս քաղաքական գործիչ Բորիս Նեմցովի սպանության գործով ձերբակալված հինգ անձին էլ մեղսագրում են կատարված ոճիրը։ Այս մասին հայտնել է Մոսկվայի քաղաքային դատարանը՝ նշելով, որ սպանությունը կազմակերպվել է հանցավոր խմբի կողմից, և եղել է պատվերով։

«Ինտերֆաքս»–ը հայտնում է, որ Անզոր Գուբաշևը և Զաուր Դադաևը մեղադրվում են ՌԴ ՔՕ 222–րդ հոդվածի 3–րդ մասով (հանցագործություն՝ իրականացված կազմակերպված խմբի կողմից), իսկ մյուսները՝ Համզաթ Բահաևը, Թամերլան Էսկերխանովը և Շահիթ Գուբաշևը՝ ՔՕ 222–րդ հոդվածի 2–րդ մասով (նախնական պայմանավորվածությամբ)։

Հիշեցնենք՝ Բորիս Նեմցովը մեջքին ստացած կրակոցներից մահացավ փետրվարի 28–ի գիշերը մայրաքաղաքի կենտրոնում՝ Մեծ Մոսկվորեցկի կամրջին։

7or.am