«Սահմանադրական բարեփոխումների գործընթացը քաղաքացիական հասարակության դիտանկյունից» թեմայով քննարկման ժամանակ «Չե՛ք անցկացի» նախաձեռնության անդամ Արմեն Գրիգորյանն ընդգծել է, որ սահմանադրական փոփոխությունները միտված են իշխանության վերարտադրմանը։

–Իշխանություններն ասում են, թե կառավարման խորհրդարանական համակարգն ավելի ժողովրդավարական է, քան նախագահականը։ Այս տրամաբանությամբ` Հյուսիսային Կորեան ավելի ժողովրդավար պետք է լիներ, քան ԱՄՆ-ը: Այնինչ, 1945-2010թթ. հետազոտությունները ցույց են տալիս, որ խորհրդարանական համակարգն ավելի վտանգավոր է, քանի որ ավտորիտար դառնալու համար իշխանությունն ավելի երկար կառավարելու հնարավորություն է ստանում,–ասել է Ա. Գրիգորյանը՝ ավելացնելով, որ սա վտանգավոր մարտահրավեր է Հայաստանին.

–Խորհրդարանական համակարգն անձին կամ խմբին երկարաժամկետ իշխանավարելու հնարավորություն է տալիս։ Եթե նպատակը վերարտադրությունն է, դրանից հետո ինչքան էլ բարի ցանկություններ արտահայտեն, միևնույն է, դրանք իրականացնելու հարցում խնդիր է առաջանալու:

7or.am