Այսօր ՀՀ կառավարության շենքի մոտ բողոքի գործողություն են իրականացրել Երևանի մաքրությամբ զբաղվող «Սանիտեք» ընկերության նախկին աշխատակիցները։ Նրանք պահանջում են վճարել շուրջ հինգ ամսվա իրենց աշխատավարձի պարտքը:

Նախկին աշխատակիցները «7օր»–ի հետ զրույցում նշել են, որ «Սանիտեք»-ը «Կենտրոն մաքրություն» ընկերության լուծարումից հետո իրենց հետ աշխատանքային նոր պայմանագիր չի կնքել, և վերջնահաշվարկ չի արել։

«Աշխատացրին, փողը չտվին. խաբեցին։ Մենք հո ողորմություն չե՞նք ուզում. մեր գումարն ենք պահանջում»,–ասել են բողոքի ակցիան իրականացնողները։

7or.am