Անգլիայի 8–րդ ֆուտբոլային դիվիզիոնի «Քլիթերո» ակումբի հարձակվող Ջեյ Հարթին վտարել են թիմից այն բանից հետո, երբ մարզիկին բռնացրել են մարզադաշտում երկրպագուհու հետ սեքսով զբաղվելիս։ Այս մասին գրում է «The Daily Mai»–ը։

«Ես հարբած էի. չափից շատ էի խմել։ Ներողություն եմ խնդրում իմ ընտանիքից և բոլոր նրանցից, ովքեր կապված են «Քլիթերո»–ի հետ։ Ցավում եմ կատարվածի համար։ Այլևս չեմ տեսել այդ աղջկան և պատկերացում էլ չունեմ՝ ով է նա»,–հայտարարել է Հարթը։

Լրատվամիջոցը գրում է, որ ֆուտբոլիստը «Մոսսլի ԱՖՔ»–ից պարտություն կրելուց հետո (1:4) սեռական հարաբերություն է ունեցել 25–ամյա Բրայոնի Հիբբերթի հետ, որը երկու երեխա է դաստիարակում։

Ամեն ինչ կատարվել է անմիջապես պահեստայինների նստարանին։ Բացի այդ, մարզիկն ու աղջիկն այդ «գործընթացը» ձայնագրել են հեռախոսով, արդյունքում էլ տեսանյութը հայտնվել է համացանցում։

Ակումբի ղեկավարությանը սաստիկ զայրացրել է կատարվածը։ Չնայած 24–ամյա մարզիկի խնդրած ներմանը՝ նրա հետ գործարքը խզվել է։

7or.am