ՌԴ ԱԳ նախարար Սերգեյ Լավրովի խոսքերով՝ Ռուսաստանը մի քանի տարի առաջ սատարել է այն գործընթացը, որը նախաձեռնվել էր Երևանի և Անկարայի կողմից սահմանները բացելու, փոխադարձաբար ճանաչելու և համագործակցության զարգացման մասին փաստաթղթերի ստեղծման ողղությամբ։

«Sputnik», «Эхо Москвы» և «Говорит Москва» ռադիոկայաններին տված հարցազրույցում նա նաև նշել է, որ Մոսկվան կաջակցի Հայաստանի և Թուրքիայի միջև փոխհարաբերությունների զարգացման փաստաթղթերն ուժի մեջ մտցնելուն։

Ինչպես հայտնում է «РИА Новости»–ն, Լավրովը նաև նշել է, որ Ռուսաստանը կողմ է հայ–թուրքական հարաբերությունների կարգավորմանը։

«Կողմ ենք, որ կարգավորվի ղարաբաղյան հակամարտությունը, և դրանով իսկ կարգավորվեն հայ–ադրբեջանական հարաբերությունները։ Դրա համար շատ բան ենք անում»,–հավելել է ՌԴ արտգործնախարարը։

Նա ցավ է հայտնել, որ հայ–թուրքական արձանագրությունները թեև ստորագրվեցին, սակայն ուժի մեջ չմտան։

«Քանի որ այս փուլում Թուրքիայում վավերացման հարցը չստացվեց, մենք ակտիվորեն նպաստելու ենք, որ դա կայանա»,–ասել է Լավրովը։

7or.am