Թուրքիայի ԱԳՆ-ն արձագանքել է Հայոց ցեղասպանության 100–րդ տարելիցի կապակցությամբ ՌԴ նախագահ Վլադիմիր Պուտինի հայտարարությանը՝ չընդունելով և խստորեն դատապարտելով այն.

«Իրավունքի խախտում հանդիսացող նման հայտարարությունները Թուրքիան մերժում է»։

«Milliyet»-ը գրում է, որ Թուրքիայի արտաքին գերատեսչությունը նշել է՝ չնայած զգուշացումներին ու կոչերին՝ Պուտինը 1915թ. տեղի ունեցածը ցեղասպանություն է որակել։

Թուրքիայի ԱԳՆ–ն նաև ընդգծել է, որ Ռուսաստանի կողմից Կովկասում, Միջին Ասիայում և Արևելյան Եվրոպայում 100 տարվա ընթացքում իրականացրած զանգվածային ջարդերը, աքսորները և գոլոդոմորի պատժիչ գործողություններով սեփական պատմության ընթացքում թուրք և մահմեդական ժողովուրդների դեմ անմարդկային վերաբերմունքը վերհիշելով՝ Ռուսաստանն ամենալավը պետք է իմանա, թե ինչ է ցեղասպանությունը և դրա իրավական կողմը։

«Գիտենք, որ 1995թ. սկսած՝ Դուման ամեն 10 տարին մեկ հայկական պնդումներին աջակցող քաղաքական հայտարարություններ անելու սովորություն ունի։ Այդ սովորույթին հավատարիմ Դուման 2015թ. ապրիլի 24-ին հին որոշումների համատեքստում նոր հայատարարություն արեց, ինչը ևս դատապարտում ենք։ Եթե այս համատեքստում Ռուսաստանը կարող է որևէ բան անել, ապա պետք է մի կողմ դնի կողմնակալությունը, աջակցի, որ Հայաստանն ու հայերը դրական արձագանքեն Թուրքիայի կողմից բարեկամական ու խաղարար կոչերին»,-նշված է Թուրքիայի ԱԳՆ հայտարարության մեջ։

7or.am