Այսօր Արցախում տեղի ունեցան խորհրդարանական ընտրություններ։ Ժամը 20:00-ին փակվել են բոլոր 278 ընտրատեղամասերը։

6-րդ գումարման ԱԺ ընտրություններին մասնակցում էր 7 կուսակցություն՝ «Ազգային վերածնունդ», «Ազատ հայրենիք», «Արցախի ժողովրդավարական կուսակցություն», «Կոմունիստական կուսակցություն», ՀՅԴ, «Շարժում 88» և «Խաղաղություն և զարգացում»:

33 մանդատից 22–ը համամասնական, 11–ը՝ մեծամասնական ընտրակարգով պետք է ընտրվեն։

Քվեարկությանը մասնակցելու իրավունք ուներ 101.653 քաղաքացի: Ժամը 17.00-ի դրությամբ ընտրություններին մասնակցել էր 62 859–ը։

Ընտրությունները լուսաբանում էին միջազգային ու տեղական շուրջ 40 ԶԼՄ:

Դիտորդական առաքելություն էին իրականացնում միջազգային ավելի քան 100 և տեղական 110 դիտորդ:

Քվեարկության ընթացքի վերաբերյալ ԼՂՀ ԿԸՀ հաղորդագրությունները պետք է հրապարակի յուրաքանչյուր 3 ժամը մեկ:

7or.am