Մայիսի 4-ին, ժամը 21.06-ին ՏԿԱԻՆ–ում ահազանգ է ստացվել, որ Կոտայքի մարզի Սոլակ գյուղում՝ գլխավոր ճանապարհի վրա, տեղի է ունեցել ՃՏՊ, բախվել են «ԶԻԼ» և «ՎԱԶ-2106» մակնիշի ավտոմեքենաները, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ՀՓՋ-ի օպերատիվ խումբը:
Պարզվել է, որ Սոլակ գյուղի 1-ին փողոցի թիվ 19 տան մոտ բախվել են «ԶԻԼ» մակնիշի (վարորդ՝ Ա.Բ.) 10OS453 պետհամարանիշի և «ՎԱԶ-2101» մակնիշի (վարորդ՝ Ա. Ս.) 34TU060 պետհամարանիշի ավտոմեքենաները:
Հրշեջ-փրկարարները «ՎԱԶ-2101» մակնիշի ավտոմեքենայից դուրս են բերել ուղևոր՝ Ս. Հ.-ին (ծնվ. 1981թ.), ով տեղափոխվել է Հրազդանի ԲԿ, որտեղ բժիշկները տուժածի առողջական վիճակը գնահատել են բավարար: