–Երկու-երեք օվա ընթացքում «Նաիրիտի» գրավադրված գույքի հարցը կլուծվի, իսկ երբ գույքը գրավից հանվի, կհանձնվի ՀՀ կառավարությանը,–այս մասին այսօր լրագրողներին ասել է ՀՀ էներգետիկայի և բնական պաշարների նախարար Երվանդ Զախարյանը՝ նշելով, որ այդ նպատակով Միջպետական բանկի հետ բանակցություններ են տարվել ՀՀ նախագահի և Կառավարության կողմից։

Զախարյանի խոսքերով՝ աշխատանքներ են տարվում գործարանի աշխատակիցների աշխատավարձերն ամբողջությամբ վճարելու ուղղղությամբ. վերջին չորս տարվա ընթացքում կուտակված աշխատավարձի պարտքը կազմում է 5,7 մլրդ դրամ։

Բանախոսը դժվարացել է ժամկետներ նշել, սակայն հույս է հայտնել, որ մինչև տարեվերջ ամբողջ աշխատավարձը մարելու հնարավորություն կստեղծվի։

Զախարյանը հայտնել է, որ մեկ կամ երկու օրից կստացվի նաև Համաշխարհային բանկի ուսումնասիրությունը «Նաիրիտի» շահագործման տեխնիկական ու ֆինանսական կենսունակության վերաբերյալ։

7or.am