Ղազախստանի էկոնոմիկայի նախարարության վիճակագրական հանձնաժողովը տվյալներ է ներկայացրել Ղազախստանի և ԵԱՏՄ անդամ երկրների միջև առաջին երեք ամսում գրանցված ապրանքաշրջանառտության վերաբերյալ: «Gazeta.ru»–ի տեղեկացմամբ՝ Ղազախստանի և Եվրասիական տնտեսական միության երկրների (Ռուսաստան, Բելառուս, Հայաստան) միջև ապրանքաշրջանառությունն ընթացիկ տարվա առաջին եռամսյակում նվազել է 21%-ով՝ մինչև 3.43 մլրդ դոլար։

Արտահանումը ԵՏՄ երկրներ կրճատվել է 31%-ով և գնահատվում է 901.6 մլն դոլար, ներմուծումը նվազել է 16.5%-ով՝ մինչև 2.53 մլրդ դոլար։

Ղազախստանը ԵՏՄ երկրներ է մատակարարում միներալային, քիմարդյունաբերության արտադրանք, մետաղներ, կենդանական և բուսական ծագման, պատրաստի արդյունաբերական ապրանքներ։

ԵՏՄ երկրներից իրականացվում է մեքենաների և սարքավորումների մատակարարումներ, միներալային, քիմիական արդյունաբերության արտադրանք, կենդանական և բուսական ծագման, պատրաստի արդյունաբերական ապրանքներ։

Աղբյուրը՝ «Zham.am»