Ինչպես հայտնի է, 2014թ. հունվարին Սերժ Սարգսյանը, որպես առողջապահական տուրիստ, մեկ շաբաթով մեկնել էր Կորեա, որտեղ Չաում կենտրոնում ցողունային բջիջների թերապիայի, սպա և երիտասարդացման, մարմնի հարթեցման և մերսման, ինչպես նաև քաշի վերահսկման պրոցեդուրաների էր ենթարկվել։

Սերժ Սարգսյանի աշխատակազմի ղեկավար Վիգեն Սարգսյանն այսօր ԱԺ–ում ՀՀ պետական բյուջեի կատարողականի քննարկման ժամանակ վստահեցրել է, որ այդ արձակուրդի համար պետբյուջեից գումար չի ծախսվել։

–Օրենսդրությամբ նա կարող է օգտվել իրեն ամրացված տրանսպորտից և անվտանագությունից։ Ասեմ, որ Սերժ Սարգսյանի արձակուրդներին, բացի նրա անվտանգության աշխատակիցներից, երբևիցե ոչ ոք նրա հետ չի մեկնում։ Կարող եմ վստահեցնել, որ պետական բյուջեից որևէ ծախս նրա արձակուրդի վրա չի արվել։ Եղել է ծախս՝ օդանավի հետ կապված,-հայտարարել է Վիգեն Սարգսյանը։

7or.am