ԱՄՆ–ը հավատարիմ է մնում ԼՂ հիմնախնդրի խաղաղ կարգավորման հարցում ուղիներ փնտրելուն։ Այս մասին ասել է ԱՄՆ պետքարտուղար Ջոն Քերրին Հանրապետության օրվա առթիվ Ադրբեջանի ժողովրդին ուղղված իր շնորհավորական ուղերձում։

Ինչպես հայտնում է «РИА Новости»–ն, նա նաև նշել է, որ Վաշինգտոնը լրջորեն աջակցում է Ադրբեջանի դերին Հարավային գազային միջանցքի միջոցով Եվրոպային էներգառեսուրսների մատակարարումների դիվերսիֆիկացումն ապահովելու հարցում։

Քերրին ընդգծել է նաև Վաշինգտոնի և Բաքվի համագործակցությունն Աֆղանստանում ՆԱՏՕ-ի առաքելության շրջանակներում ահաբեկչության դեմ պայքարում և տարածաշրջանային ու միջազգային անվտանգության ապահովման հարցում։

7or.am