Քաղաքական

29.05.2015 14:00


Սովի և թանկացումների միջոցով ժողովրդին ցանկանում են ծնկի բերել

Սովի և թանկացումների միջոցով ժողովրդին ցանկանում են ծնկի բերել

Դիրիժոր, երաժշտագետ Դանիել Երաժիշտը վստահ է, որ սովի և թանկացումների միջոցով հայաստանյան իշխանությունները ժողովրդին ցանկանում են ծնկի բերել: Նա ընդգծում է, որ որքան սոցիալապես արդար, այնքան զորեղ է հայրենիքը։

–Էս մարդիկ եթե վնաս չտան, չեն կարող քնել. անպայման մի վատ բան պետք է անեն, որ գիշերը հանգիստ քնեն,–ասել է նա՝ անդրադառնալով էլեկտրաէներգիայի սակագնի բարձրացմանը,–Հայաստանում տնտեսական ստրկություն է, իսկ ստրուկը հայրենիք պաշտպանել չի կարող։ Որքան իրերը թանկանում են, այնքան մարդիկ էժանանում են, իսկ էժան մարդը չի կարող պաշտպանել իր հայրենիքը։ Ասում են, թե հավերժական շարժիչ չկա, բայց Հայաստանում ստեղծել են հավերժական թալանի շարժիչը։

Ռեժիսոր Նիկոլայ Ծատուրյանի համոզմամբ էլ՝ այժմյան իշխանությունները ժողովրդի հանդեպ վարում են «թողեք ռադներդ քաշե՛ք էստեղից» քաղաքականությունը: Որպես ստեղծված իրավիճակի լուծում՝ Ծատուրյանը տեսնում է պայքարը՝ ամեն մեկն իր տեղում՝ իր հնարավորություններով։

–Օրինակ՝ ես ցույցերի չեմ գնում, բայց ներկայիս իշխանություններին ծաղրող ներկայացում եմ բեմադրել,–ասել է ռեժիսորը:

7or.am

Այս խորագրի վերջին նյութերը