Աշխարհ

02.07.2015 01:52


Հոգեբաններ. մարդիկ հակված են ուրիշներին դատել խոսքով, այլ ոչ թե գործով

Հոգեբաններ. մարդիկ հակված են ուրիշներին դատել խոսքով, այլ ոչ թե գործով

Մի շարք ուսումնասիրությունների արդյունքում գիտնականները եկել են այն եզրակացության, որ մարդը հակված է կիսել իր շրջապատի մարդկանց կարծիքները, սակայն վարվել այլ կերպ: «Газета.Ru»-ի փոխանցմամբ՝ այդ իսկ պատճառով եթե որևէ մեկը ցանկանում է համախոհներ ձեռք բերել, նա պետք է շեշտադրումներ անի ոչ թե իր արածների, այլ մտածածների վրա:

Ուսումնասիրությունների արդյունքները ցույց են տվել, որ եթե, օրինակ, մարդուն անհրաժեշտ է դրդել գնել այս կամ այն ապրանքը, պետք է ծանոթացնել նրան այլ մարդկանց գնահատականների և ասածների հետ տվյալ ապրանքի մասին: Ուշագրավն այն է, որ եթե պոտենցիալ գնորդը կարդացել է հայտարարություններ այն մասին, որ այս կամ այն մարդն արդեն պատրաստվում է գնել տվյալ ապրանքը, նա հաճախակիորեն հրաժարվում է գնումից:

Ուսումնասիրության համահեղինակ Այլեթ Ֆիշբահը պնդում է, որ մեծամասնության օրինակին հետևելու ցանկությունը հոգեբանական խոր արմատներ ունի:

«Երբ մարդը հետևում է մեծամասնությանը, նա իր վրա է փորձում ուրիշների նախասիրություններն ու կարծիքները: Ինչ վերաբերում է հստակ գործողություններին, նա ցանկանում է տարբերվել ուրիշներից: Այնպես որ, եթե ցանկանում եք համոզել մարդկանց այս կամ այլ կերպ վարվել, պետք է խոսել ոչ թե ձեր արածների, այլ ձեր նախընտրություների մասին», - եզրակացրել է Ֆիշբահը:

7or.am

Այս խորագրի վերջին նյութերը