Հրապարակվել են ԱՄՆ նախկին պետքարտուղար Հիլարի Քլինթոնի՝ 2009թ. օգոստոսի 30–ին էլ. փոստով ուղարկած նամակները, որոնք վերաբերում են հայ–թուրքական հարաբերություններին։ Այս մասին հայտնում է «Los Angeles Times»–ը՝ հղում կատարելով ԱՄՆ պետքարտուղարությանը։

Դրանցում Քլինթոնը, օրինակ, պետքարտուղարության աշխատակցուհուն հարցնում է՝ ի՞նչ է Թուրքիայի ԱԳ նախարար Դավութօղլուի անունը, կամ բանակցությունների օրակարգում ի՞նչ հարցեր են քննարկվում:

Իսկ պետքարուղարի նախկին օգնական Ֆիլիպ Գորդոնը ներկայացնելով մի տեքստի պատճեն՝ նշում է, որ թուրքերը համաձայնել են հրապարակել այն, եթե հայերն էլ համաձայնեն: Վերջիններն էլ համաձայն են, եթե Թուրքիան նախապես համաձայնություն տա փաստաթղթերը ստորագրել հոկտեմբերի 14-ին։

Գորդոնը նաև նշել է, որ Շվեյցարիայի ԱԳ նախարարին խնդրել է «ուղեկցել Դավուին, բայց եթե հաջողության չհասնեն, իրենք, թերևս, Հիլարի Քլինթոնի կարիքը կունենան»:

Նա նաև ավելացրել է, որ մի քանի բառերի փոփոխությունից հետո Դավութօղլուն համաձայնել է տեքստի հետ, և եթե թուրքական կողմը համաձայնի, ապա ստորագրությունը պետք է լինի հոկտեմբերի սկզբին, հավանաբար՝ հոկտեմբերի 12-ին։

«Ավելի դժվար կլինի մյուս կողմին համոզելը»,–նշել է նա։

Հիշեցնենք, որ հայ-թուրքական արձանագրությունները ստորագրվել են 2009թ. հոկտեմբերի 10-ին Ցյուրիխում։

7or.am